Tuis

Nog nie ‘n ondersteuner nie?

Klaar ondersteuner, registreer op die webwerf.

Klaar ondersteuner en geregistreer, teken nou in.

Wat is Ekstra wiskunde?

Dit is ongetwyfeld so dat Wiskunde van kardinale belang is vir leerders, maar Wiskunde is dikwels vir baie ’n probleemvak. Ongelukkig is ekstra wiskundeklasse baie duur en nie almal kan dit bekostig nie. Dit is hoekom Solidariteit Helpende Hand nou vir ons ondersteuners toegang tot ekstra wiskundeklasse van wêreldgehalte bied. Ekstra Wiskunde is ’n ledevoordeel vir Solidariteit Helpende Hand-ondersteuners wat maandeliks per debietorder ’n minimum bedrag van R50 skenk*.

Helpende Hand se Skoleondersteuningsentrum (SOS) bied ondersteuners nou toegang tot weeklikse Wiskunde-klasse van graad 4 tot 12 wat aanlyn op die Ekstra Wiskunde-webwerf gelaai word. Ondersteuners se kinders kan op www.ekstrawiskunde.co.za  klasse besigtig (daar is nie beperkings op die aantal kere wat die video besigtig kan word nie). Die graad 12-klasse word op die webwerf gelaai, maar word ook regstreeks uitgesaai na Akademia se 11 sentrums regoor die land. Daar is ook ’n spesiale aanlyn forum waar vrae gevra kan word indien iets in die les onduidelik was.

Deur vir die Ekstra Wiskunde-voordeel aan te sluit, ontvang ondersteuners dan:

  • Toegang tot die Ekstra Wiskunde-webwerf waar klasse van graad 4 tot graad 12 gesien kan word; toegang tot Akademia se 11 landwye sentrums waar graad 12-klasse regstreeks gekyk kan word.
  • ’n R600-koepon vir die Markplein webtuiste. Met hierdie koepon kan ou vraestelle, oefenvraestelle, memorandums, werkkaarte, Wiskunde-wenke en nog vele meer afgelaai word. Daar is ook gratis studiemateriaal wat afgelaai kan word.
  • Lede se kinders het ook toegang tot ’n Wiskunde-spesialis vir vrae en antwoorde. Die Wiskunde-kenner sal jou met moeilike probleme kan help.*
  • Gratis Wiskunde-winterskool vir graad 12-leerders van 12-14 Julie 2017 wat regstreeks via Akademia se platform na 11 landwye sentrums uitgesaai word.

*Bepalings en Voorwaardes geld

*Solidariteit Helpende Hand beskou ’n ondersteuner as ’n persoon wie se maandelikse bydrae reeds per aktiewe debietorderaftrekking verhaal is. Hierdie proses kan tot 40 dae neem om gefinaliseer te word en word eers deur Helpende Hand se hoofkantoor geverifieer voordat ’n lid toegang tot die voordeel sal kry.

Beskikbare Akademia studiesentrums:
Bloemfontein, Boksburg, Centurion, George, Krugersdorp, Paarl, Pretoria – Die Moot, Pretoria – Lynnwood, Somerset-wes, Tygervallei, Vanderbijlpark